Greinasafn eftir: Gógó

Sumarátak Flóruvina

Þá hefur sumarátaki Flóruvina verið hleypt af stokkunum!

Pawel Wasowicz sem situr í faghópnum Flóruvinir, hefur útbúið kerfi sem gerir öllum kleyft að skila inn upplýsingum um háplöntutegundir sem þeir finna á ferðum sínum.

Ef þig langar til að taka þátt í að stoppa í götin á útbreiðslukortum háplantna, kíkið þá á síðu Flóruvina fyrir frekari upplýsingar.

Ljósmynd: Pawel Wasowicz

Svíar hafa kosið sér þjóðarblóm

Á dögunum kusu Svíar bláklukku (Campanula rotundifolia) sem þjóðarblóm sitt. Það var Hið sænska grasafræðiifélag sem hélt utan um kosninguna en henni lauk á föstudaginn síðasta. Svíþjóð hefur í rúma öld haft svokölluð héraðsblóm og þau náðu nokkrum vinsældum fyrir einmitt 100 árum. Sænski hluti Lapplands hefur einmitt holtasóley (Dryas octopetala) sem sitt blóm!

Hlaðvarp HÍN – fer í loftið í dag!

Hlaðvarp Hins íslenska náttúrufræðifélags fer í loftið í dag! Í hlaðvarpinu Hinir íslensku náttúrufræðingar hittum við íslenska náttúrufræðinga, kynnumst rannsóknum þeirra og störfum, heima og erlendis, ástríðu þeirra fyrir náttúru og ævintýrum sem þeir hafa ratað í.

Hlaðvarpið má nálgast á Spotify hér.

Nýtt hefti af Náttúrufræðingnum

Nú ættu félagsmenn HÍN að hafa fengið 2.-3. hefti Náttúrufræðingsins, 90. árgangs í hendur. Í heftinu er m.a. fjallað um nýlegar rannsóknir og kenningar á viðhofum ferðamanna til óspilltrar náttúru og víðerna en einnig um ferðir yfir Vatnajökul til forna. Þá er fjallað um forvitnilegar fiðrildaveiðar og tunglfisk en forsíðugreinin er um búsvæði og vernd vaðfugla á Íslandi.

Nýja heftið er 80 bls. Útgefendur eru Hið íslenska náttúrufræðifélag og Náttúruminjasafn Íslands. Ritstjóri er Álfheiður Ingadóttir.

Hér er hægt að gerast félagi í HÍN og fá nýja heftið sent heim og eldri hefti líka.

Leiðari ritstjóra.

Skýrsla stjórnar fyrir árið 2019.

Reikningar fyrir árið 2019.