Greinasafn eftir: Hið íslenska náttúrufræðifélag

Aðalfundur HÍN og fræðsluerindi 25. febrúar

Boðað er til aðalfundar Hins íslenska náttúrufræðifélags fimmtudaginn 25. febrúar á Zoom. Fyrir dagskrá aðalfundar heldur Bryndís Marteinsdóttir erindið Gróður- og jarðvegsauðlindir Íslands: Ástand og nýting. Erindið hefst klukkan 19:00 en dagsskrá aðalfundar hefst kl. 20:00. Tengill á fundinn verður gefinn út þegar nær dregur.

Dagskrá aðalfundarins er eins og henni er lýst í lögum félagsins:

•    Skýrsla formanns um störf stjórnar á liðnu starfsári.
•    Skýrsla gjaldkera, endurskoðaðir reikningar félagsins lagðir fram til atkvæðagreiðslu.
•    Kosning stjórnarmanna og skoðunarmanna reikninga.
•    Önnur mál.

Stjórn leggur til lagabreytingu í tilefni af tilkomu faghópa innan félagsins:

7. grein. Aðalfund félagsins skal halda í febrúar ár hvert, og skal dagskrá hans vera sem hér segir:

a. Skýrt frá helstu framkvæmdum á liðna árinu.
b. Lagðir fram endurskoðaðir reikningar félagsins.
c. Kosin stjórn og formenn faghópa, tveir skoðunarmenn reikninga og einn skoðunarmaður til vara.
d. Önnur mál.

Stjórn HÍN skipa nú eftirtaldir: Ester Rut Unnsteinsdóttir formaður, Hrefna Sigurjónsdóttir varaformaður, Gróa Valgerður Ingimundardóttir ritari, Snæbjörn Guðmundsson gjaldkeri, Helena Óladóttir fræðslustjóri, Anna Heiða Ólafsdóttir félagsvörður og Bryndís Marteinsdóttir meðstjórnandi.

Almennir stjórnarmenn eru kosnir til tveggja ára í senn sem og formaður. Kjörtímabil þriggja stjórnarmanna er nú á enda og er nú kosið um þessi embætti.  Þetta eru embætti Hrefnu Sigurjónsdóttur, Bryndísar Marteinsdóttur og Gróu Valgerðar Ingimundardóttur. Hrefna og Gróa Valgerður gefa áfram kost á sér en Bryndís Marteinsdóttir mun ekki gefa kost á sér til áframhaldandi stjórnarsetu.

Aðalfundur HÍN 2017

Boðað er til aðalfundar Hins íslenska náttúrufræðifélags mánudaginn 27. febrúar 2017 í stofu 132 í Öskju, húsi náttúruvísinda við Háskóla Íslands. Fyrir dagskrá aðalfundar flytur Guðrún Larsen vísindamaður emerita við Jarðvísindastofnun Háskólans erindi sem hún kallar „Af framferði jökulhlaupa í Kötlugosum“. Erindið hefst kl. 17:15 og eru allir velkomnir eins og á önnur fræðsluerindi félagsins. Aðalfundarstörf hefjast að loknu erindi Guðrúnar, kl. 18:15.

Dagskrá aðalfundarins er eins og henni er lýst í lögum félagsins:
– Skýrsla formanns um störf stjórnar á liðnu starfsári.
– Skýrsla gjaldkera, endurskoðaðir reikningar félagsins lagðir fram til atkvæðagreiðslu.
– Kosning stjórnarmanna og skoðunarmanna reikninga.
– Önnur mál.

Halda áfram að lesa

Þróun gróðursamfélaga í Hekluhraunum og nágrenni skoðuð með vettvagnsathugunum og fjarkönnunargögnum

Næsta fræðsluerindi HÍN verður haldið mánudaginn 30. janúar 2017 í stofu 132 í Öskju, húsi náttúruvísinda við Háskóla Íslands, og hefst erindið kl. 17:15.
Það er landfræðingurinn Olga Kolbrún Vilmundardóttir sem flytur erindi sem hún nefnir Þróun gróðursamfélaga í Hekluhraunum og nágrenni skoðuð með vettvagnsathugunum og fjarkönnunargögnum.

Halda áfram að lesa

Náttúrufræðingurinn Jón lærði?

Næsta fræðsluerindi HÍN verður haldið mánudaginn 28. nóvember 2016 í stofu 132 í Öskju, húsi náttúruvísinda við Háskóla Íslands, og hefst erindið kl. 17:15.
Það er bókmenntafræðingurinn Viðar Hreinsson sem flytur erindi sem hann nefnir Náttúrufræðingurinn Jón lærði?.

Ágrip af erindi Viðars.

„Jón Guðmundsson lærði (1574-1658) er einn sérkennilegasti Íslendingur sögunnar, bóndi og sjómaður, skáld og listamaður, galdramaður og læknir. Hann var líka andófsmaður og fyrsti rannsóknarblaðamaðurinn. Hann skrifaði fyrsta ritið sem varðveitt er á íslensku um náttúru landsins og því má spyrja hvort óhætt sé kalla hann fyrsta íslenska náttúrufræðinginn.

Halda áfram að lesa