Farið var í gönguferð í Grændal 23. júní 2005. Grændalur er einn þriggja dala sem liggja til norðurs úr Ölfusdal, skammt norðvestan við Hveragerði. Jarðhiti og gróður er óvenju fjölbreyttur í Grændal og er dalurinn á náttúruminjaskrá (nr. 752). Í nýju náttúruverndaráætluninni sem verið hefur til umfjöllunar á Alþingi er gerð tillaga af hálfu Náttúrufræðistofnunar Íslands og Umhverfisstofnunar um að Grændalur og Reykjadalur, næsti dalur fyrir vestan Grændal, verði að friðlandi. Í forsendum fyrir tillögunni stendur m.a. að „Jarðhitasvæði í líkingu við Grændal eru sennilega ekki til í Evrópu utan Íslands og eitt fágætra slíkra svæða í heiminum.“

Góð þátttaka var í ferðinni og heppnaðist hún í alla staði mjög vel. Leiðangursstjórar voru tveir valinkunnir fræðimenn og þaulkunnugir svæðinu, þeir Eyþór Einarsson grasafræðingur og Helgi Torfason jarðfræðingur hjá Náttúrufræðistofnun Íslands.

Laugardaginn 28. maí 2005 var velheppnuð ferð um Sundin við Reykjavík endurtekin frá árinu áður. HÍN bauð nú aftur upp á siglingu með Viðeyjarferjunni ehf. um Sundin og var m.a. siglt út að Lundey og lónað umhverfis eyna, siglt um Þerneyjarsund að Viðey og stigið á land og fjörulífið skoðað. Veðrið var gott og tæplega 40 manns mættu.

Fararstjórar og leiðbeinendur í ferðinni voru Árni Hjartarson jarðfræðingur á Orkustofnun, Konráð Þórisson líffræðingur hjá Hafrannsóknastofnuninni og Arnór Þ. Sigfússon fuglafræðingur hjá Verkfræðistofu Sigurðar Thoroddsen ehf.

Kristín Svavarsdóttir tók myndirnar á síðunni sem teknar voru í ferðinni.
Hægt er að stækka hverja mynd með því að smella á myndina.

Siglt um Sundin við Reykjavík í maí 2005. Til hægri er Arnór Sigfússon fuglafræðingur og leiðsögum.

Í Viðey. Fjörulíf kannað.

Ferð um Sundin í Reykjavík í maí 2005.

Ferð um Sundin í Reykjavík í maí 2005. Konráð Þórisson líffræðingur og leiðsögumaður.

Siglt um Sundin í maí 2005. Gildrur dregnar upp og innihald skoðað.

Staldrað við á flotbryggju við Þerney.

Ferð um Sundin í maí 2005. Árni Hjartarson jarðfræðingur og einn leiðsögumanna er fyrir miðri mynd.

Áð í Viðey og veður með miklum ágætum.

Sigling um Sundin við Reykjavík í maí 2005.

Laugardaginn 29. maí 2004 bauð HÍN upp á siglingu með Viðeyjarferjunni ehf. um Sundin í nágrenni Reykjavíkur. Farið var m.a. út að Lundey og lónað umhverfis eyna, siglt um Þerneyjarsund að Viðey og stigið á land og m.a. skoðaður fjörugróður. Þátttaka var mjög góð og mættu um 40 manns.

Fararstjórar og leiðbeinendur í ferðinni voru Árni Hjartarson jarðfræðingur á Orkustofnun, Konráð Þórisson líffræðingur hjá Hafrannsóknastofnuninni, Ólafur Einarsson fuglafræðingur hjá Fuglaverndarfélagi Íslands.

Kristín Svavarsdóttir tók myndirnar á síðunni sem teknar voru í ferðinni.
Hægt er að stækka hverja mynd með því að smella á myndina.

Ólafur Einarsson fuglafræðingur veitir tilsögn.

Leitað að lífi í sjónum!

Áhugasamir þátttakendur að virða fyrir sér afrasktur úr gildru.

Ferð um Sundin í maí 2004. Þátttakendur vinna við fuglalista.

Árni Hjartarson, einn leiðbeinanda í ferðinna að segja frá.

Konráð Þórisson, einn leiðbeinandanna að fræða þátttakendur.