Greinasafn fyrir flokkinn: Fréttir

Áminning – Aðalfundur Hins íslenska náttúrufræðifélags

Áminning – Aðalfundur Hins íslenska náttúrufræðifélags
Aðalfundur Hins íslenska náttúrufræðifélags verður haldinn fimmtudaginn 5. mars kl.
17:00 í Húsi atvinnulífsins, Borgartúni 35, 105 Reykjavík. Einnig verður unnt að taka þátt
í fundinum í gegnum Teams.
Félagsmenn eru hvattir til að mæta og taka þátt í störfum félagsins. Fundarhlekk má
finna neðst í þessum pósti fyrir þá sem ekki eiga heimangengt.

Dagskrá aðalfundar

  1. Kosning fundarstjóra og fundarritara
  2. Skýrsla stjórnar HÍN fyrir starfsárið 2025 – Lísa Anne Libungan, formaður
  3. Ársreikningur HÍN fyrir árið 2025 – Bryndís Róbertsdóttir, fyrrum gjaldkeri HÍN
  4. Kosning þriggja stjórnarmeðlima til tveggja ára. Eftirtaldir hafa gefið kost á sér til
    áframhaldandi setu í stjórn tímabilið 2026–2028:
    • Guðrún Óskarsdóttir, félagsvörður
    • Kolbrún Þóra Sverrisdóttir, vefstjóri
    • Róbert Ívar Arnarsson, gjaldkeri
  5. Kosning formanns faghópsins Flóruvina fyrir tímabilið 2026-2028:
    • Guðrún Óskarsdóttir gefur kost á sér til formennsku
  6. Kosning þriggja skoðunarmanna reikninga
    • Sölvi Vignisson hefur gefið kost á sér til starfa sem skoðunarmaður reikninga fyrir
      tímabilið 2026–2028. Enn á eftir að kjósa tvo aðila til viðbótar, einn aðalmann og
      einn varamann.
  7. Endurskoðun á lögum félagsins
  8. Önnur mál

Að loknum hefðbundnum aðalfundarstörfum mun Ragnhildur Guðmundsdóttir,
forstöðumaður Náttúruminjasafns Íslands, flytja 15 mínútna erindi:
Náttúruminjasafn Íslands og ný grunnsýning um hafið
Náttúruminjasafn Íslands er eitt af þremur höfuðsöfnum landsins og starfar samkvæmt
safnalögum sem og sérlögum um safnið. Hlutverk NMSÍ er að miðla, safna, skrá og
varðveita ásamt því að rannsaka náttúru landsins. Framundan eru spennandi tímar fyrir
Náttúruminjasafnið þar sem það stefnir að flutningi í nýjar höfuðstöðvar á Seltjarnarnesi sem og að setja upp nýja grunnsýningu. Í erindinu verður farið yfir þessi næstu skref safnsins.

Ragnhildur Guðmundsdóttir er forstöðumaður Náttúruminjasafns Íslands. Hún lauk
BS-prófi í líffræði við Háskóla Íslands 2005 og MS-prófi í sjávarvistfræði við Háskólann í
Tromsø og Háskólasetrið á Svalbarða 2008. Hún lauk diplómaprófi í kennslufræðum við
Háskóla Íslands 2012 og doktorsprófi í líffræði 2020 við sama skóla. 
 
Barst þér Náttúrufræðingurinn í janúar?
Því miður kemur fyrir að félagar fái ekki Náttúrufræðinginn sendan heim, oftast vegna
búferlaflutninga. Ef þú fékkst ekki nýjasta tölublað Náttúrufræðingsins, sem borið var út í byrjun janúar, biðjum við þig að senda rétt heimilisfang á netfang félagsvarðar HÍN:
felagsvordur@hin.is. Þið getið nálgast janúareintak blaðsins á skrifstofu Náttúruminjasafns Íslands, Bygggörðum 12, 170 Seltjarnarnesi, alla virka daga milli kl. 9
og 16.
 
Stjórn Hins íslenska náttúrufræðifélags
 
Microsoft Teams-fundur
Tengjast:
https://teams.microsoft.com/meet/36903967839044?p=KCh801oDLQqZIuMFru
Auðkenni fundar: 369 039 678 390 44
Lykilorð: R5fW6Ri6

Fyrsti HÍN viðburður ársins á Safnanótt í Kópavogi

Kynlíf fiska er miklu flóknara og skemmtilegra en margir gera sér grein fyrir. Þar mætast náttúruvísindi, hegðun og ótrúleg aðlögun í umhverfi þar sem allt snýst um að lifa af og fjölga sér. Á Safnanótt í Kópavogi flytur Lísa Anne Libungan, sjávarlíffræðingur og formaður Hins íslenska náttúrufræðifélags, lifandi og fræðandi fyrirlestur um kynlíf fiska í sjó og ferskvatni.

Í fyrirlestrinum verður meðal annars fjallað um:

  • Mökunaratferli þar sem samkeppni og samskipti spila lykilhlutverk
  • Æxlunarfjölbreytni sem er ólík öllu sem margir þekkja
  • Af hverju það borgar það sig fyrir suma laxa að vera perrar

Fyrirlesturinn verður sagður á léttan hátt, án þess að fórna fræðilegum gæðum. Hann er ætlaður fullorðnum áhorfendum og hentar öllum sem hafa áhuga á náttúru, líffræði og lífinu undir yfirborði hafs og vatns. Komdu og uppgötvaðu fiskalíf frá nýju sjónarhorni – fróðlegt og pínu kryddað!

Hvenær? 6.febrúar 2026, kl. 20:00–20:30
Hvar? Náttúrusafn Kópavogs

https://menning.kopavogur.is/event/kynlif-fiska
https://menning.kopavogur.is/2026/01/29/safnanott-i-kopavogi-2

Ný stjórn kjörin

Þann 27. nóvember síðastliðinn fór fram aðalfundur Hins íslenska náttúrufræðifélags í húsnæði Hafrannsóknastofnunar og á fjarfundi. Gengið var til hefðbundinna aðalfundarstarfa og þar á meðal fór fram kjör stjórnar félagsins. Nýja stjórn skipa:

  • Lísa Anne Libungan, formaður.
  • Sveinn Kári Valdimarsson, varaformaður
  • Guðrún Óskarsdóttir, félagsvörður.
  • Kolbrún Sverrisdóttir, vefstjóri.
  • Róbert Ívar Arnarsson, gjaldkeri.
  • María Helga Guðmundsdóttir, ritari.
  • Ólafur Patrick Ólafsson, kynningarstjóri.

Á sama tíma létu af störfum:

  • Sölvi Rúnar Vignisson
  • Einar Pétur Jónsson
  • Benedikt Traustason
  • Bryndís Guðrún Róbertsdóttir

Er þeim þakkað kærlega fyrir óeigingjarnt starf í þágu félagsins. 

Svartserkur

Ný tegund sæsnigils í Atlantshafi

Í nýjustu grein Náttúrufræðingsins er sagt frá mjög athyglisverðum fyrsta fundi sæsnigilsins svartserks (Melanochlamys diomedea) í Atlantshafi. Snigillinn fannst fyrst við strendur Íslands í júní 2020.

 Sagt er frá ferlinu frá því að hann sást fyrst í fjöru við Ísland þar til staðfest tegundagreining fékkst. Þá er greint frá þekktri útbreiðslu og fjallað um mikilvægi þess að fylgst sé vel með nýrri framandi tegund og framvindu hennar.

Greinina má finna hér á vef Náttúrufræðingsins: Ný tegund sæsnigils í Atlantshafi